Engtikah nge i rawn kal dawn?

Phuahtu: Vanlalkima Sailo
Satu: Saimawii Sailo & VL Hliri Sailo, Vanlalruati

Engtikah nge i rawn kal dawn, Lalpa?
I mi te'n khawvel thim hnuaiah hian;
Eng chen nge kan la nghah reng dawn che?
Tah leh ha thiala inchhir leh tur te,
Nangma sawmna ngaithla duh lo te.

An tan hun eng chen nge i la neih?
Zahngaihna a khat Isua chhandamtu'n;
Hun tlemte min la pe, kan sual sim nan,
Nakinah dar lawi a rik hunin,
Inchhir engmah a sawt leh tawh lo vang,
Tun hi hun tha leh hun lawmawm a ni.

Hun tha i neih chhung hian inpeih rawh,
Tamna leh indo, lirnghing rapthlak te;
Insikna leh elrelna karah te,
Khawdur leh ruahpuiin min nang ang,
Mipui mangang an au sual bawih vangin,
Lalpa hmel eng an hmu ngam tawh lo vang.

Awm chumin, "Lalpa, Lalpa" tiin,
An tan hun eng chen nge i la neih?
Hun tha i neih lai hian inpeih rawh.

(He hla hi a satu  Saimawii Sailo & VL Hliri Sailo leh Vanlalruati  te sak dan a inang lo lai a awm a, a sa hmasatute sak dan zawk hi kan tarlang a ni)