I remruat ang ngeiin (Inneih hla)

Phuahtu: Zomuanpuii

Satu: Zomuanpuii

He inneihna hi Lalpa, nangma kaihhruaina leh,

I remruat ang ngeiin tunah kan lo thleng ta;

Lawmthu hlan chungin Lalpa, hei hi kan ngen e,

Mo leh moneitu i hmangaihnain kaihruai a,

Kumtluana'n awmpui zel tur chein.

Chutin Isu, kan rawn dil e,

An hmalam hunah te chuan;

Rinawm leh chhel taka invuan zelin,

Nang an kawng hruaitu niin,

Fanau malsawmna pein. (Awmpui zel ang che)

Hun leh nite lo ralin kumte a lo vei a,

Hraileng chawia hai lo tarin;

Harsat, hrehawmnate chhum ang lo zing a,

Beidawnna leh mangannaten lo nang mahse,

Chhelna pe la, Lalpa, an kiangah nang awm reng ang che.