Isua ka tan hlimna

Satu: T Lalengzauva

Lalpa, nangmah ngaiin ka rum thin a,

Harsat, manganna te'n min tuam vel a;

Lungngai leh beidawngin min siam lul suh,

I hmel eng mawi tak min hmuh tir leh rawh.

Lungngai, beidawngte hnemtu Lal Isua,

Nangmahah chauh hlimna leh muanna a awm;

Buaina chhumpuite rawn zing thin mahse,

Isua ka tan hlimna, muanna a ni.

He lei ka khualzina ramah hian zawng,

Lungngaih, lusun, tahna a bang dawn lo;

Rethei, lungngaite hnemtu Lal nunnem,

I hnen ka pan, hlimin ka zai zel ang.

Ka lo hre ta, Lalpa, i hmangaihna,

Rangkachak thianghlim nan mei a ngai thin;

Ka nun bawlhhlawh tak kang fai vek turin,

Hmangaihnain min lo buatsaih a ni.

Lungngaihna chhum ka hmaah zing mahse,

Khawdur hnuaiah chhimbal a zam ang hian;

Lalpa hmel eng mawi tak a lang zual thin,

Isua ka tan hlimna, muanna a ni.