Ka ngai che

Satu: Mahruaii Chhakchhuak

I zun ngai reng reng hian,
Hun leh ni ka chhiar liam thin;
Tuan tul reng ka dawn thei lo,
Chhawl angin ka uai zo ta.

Ka ngai che, ka ngai em che,
Enchim loh ka di bawihte;
Theih se fanau maltluan chawi dunin,
Run hmunah len dun ka nuam e.

Tawn loh kar tawite pawh,
A rei lua ka ti, duhlai;
Tlang rel pawh dawn zo lo vin,
I zun ngai ka kiu ruai e.

Eng dang ka dawn thei lo,
Mu leh mal ka nei lo ve;
Tuar zo hian ka inring lo,
Ariang kei suihlungmawl hian.