Thlah lo turin (The Sky is Ours OST)

Phuahtu: Lilac & Bruce Pachuau
Satu: Lilac & Jacks

Zaleng zawng zingah ka duh ber chu i ni,
Aw, nang ngei hi i ni;
Dam hauh ilang run hmun rem dun ila,
I tangah bei ka nuam ngei e,
Nemte'n ka chawi ang che, chung Khuanu'n phal ngei se,
Anka nem mawiin biahthu di min hlan leh la.

Thlah lo turin chawnbanah min kai la,
Sut tawh lo turin biahthudi kan tiam kha;
Piallei chang mai tura kan sakruang an zalh pawhin,
Thangvanah khianin kan tan hmun a awm ve asin.

Biahzai nemte'n ka âwi ang che duhlai,
Engtin lo ngai ang che maw?
Theih chang ve se kumkhuaa leng dun turin,
Sam ang inthen lo'ng aw,
Inlawm tawn zelin kan hlim ni i chhiar dun ang,
Enchim loh nui mawi, nang paw'n min der bik lo la.

Thlah lo turin chawnbanah min kai la,
Sut tawh lo turin biahthudi kan tiam kha,
Piallei chang mai tura kan sakruang an zalh pawhin,
(Fam dairial changa sakruang an zalh pawhin)
Thangvanah khianin kan tan hmun a awm ve asin.