Khawvel hnehna

Phuahtu: Solomon V Hmar
Satu: ICI Central Choir, C Lalremruata, Champhai Vengsang Kohhran Pavalai Pawl, Ramthar Veng Pastor Bial Zaipawl

Ek dur mai ata bul kan tan a,
Beidawnna vangin mittui tla thin mahse;
Hei leh chen min han hruai tak mai hi, Lalpa,
Rin tlak leh belh tlak i lo ni.

Hmuhsit leh nekchepin ka awm a,
Vanduaina phurtu ang hial angaih niin;
Lalpa, nang ka hnenah chuan i awm zel a,
I ropuinain ka khat ta.

Hei hi a ni, khawvel hnehna chu,
Khawvel hnehtu Krista neih hi;
A tul chuan ka tan hianin Lalpa'n,
Ni leh thla te pawh a chelh ding thei.

Na thei lo taksa nei ni ila,
Harsat, hrehawmna te tawk lo ni ila;
Lalpa hmangaihna hi ka hmu fiah ngaih lo'ng,
A chiang zual thin tuarna hmunah.

Malsawmna chauh a lawm ni ilang,
Vuina hlirin hringnun ka hmang ral ngei ang;
Mahse, ka thlarau chuan Lalpa a hmu ta,
Lalpaah chuan ka lawm a ni.