Lalpa hrietpui

Phuahtu: David L. Zote

Satu: Jennifer Nianglawmkim, EFCI Saikawt Presbytery Choir,  GHCF Praise and worship, Maruati Hnamte

Harsatna ka tuok hai hi,

Lalpa hrietpui an ni a;

Suol inthim leng vel hai hin,

A hmel eng mawi sukzuoltu an ni lem si.

Iengkim hi san neia tlung an nih,

Lalpa hriet naw lengkhawm ka tuok nawh;

Ka sam zai khawm tiemtu ngei khan,

Ka mitthli tlak a hmu thel nawh.

Sun leh zanin mitthli leh,

Zin kawng hih harsa sienkhawm;

Lalpa'n rel suol a nei nawh,

Ka tan dinga thaa ruot an ni lem si.

Lalpaah nuor ka tum lai,

Hieng hin a thu a hung tlung;

"I damna di'n Kross putin,

Ka thina ding Kalvary tlang chu ka pan."

Hringnun hi harsa bik le,

Tuor bika ka'n ngailai in,

Ka Lal tuoma ka en chun

Ka rinum tuor hai nepzie a mi'n hmu tir.

Khawvel hi ka dingin,

A nunrawng bik ka ti lai;

Krista zara ka chan ding,

Ka hang thlir chun lawmna in ka sip nawk hlak.