Lung ka vai e

Satu: Zosangliani

Sakhmel hriat loh leh tlang khaw danga'n,

Ka leng di nen, rairah hi;

Tawnmang lo chu hlimna a awm lo,

Di tuar har sakhmel ka pawm laiin,

Zing tian khuain min nang leh si,

Thinlai na hian tah zai ka rel leh thin.

Suihlung ka phang e, lung ka vai e,

Engdang reng ka dawn lo nang lo chu;

Ka tuar zo lo'ng ka ti di, nang ngaih hi,

Thlafam chan mai a awl awm e.

Thinlaiah hrual hrui iangin min zem tawh si,

Zaleng tam mahse a rem chuang lo;

Mitthlaah i rauthla a cham si,

Ka thinlung pawh i ta a ni,

Di, ka nghilh che hian i ring ngai lo'ng,

Mittui nen zaiin ka rawn hlan che.