Ngaih luat biazai

Phuahtu: Terimina

Satu: Terimina ft. Mary Dawngi

Ka tel lo vin, duhthu i samin, duhthu i samin,

Ka hming i lam ngai em?

Dam chhungin a huam em?

Ka tel lo vin, duhthu i samin, duhthu i samin,

Ka hming i lam ngai em?

Dam chhungin a huam em?

Ka duh lutuk,

Siamtu pawh hi a van uluk,

Mi nun lungleng awmhar min hnemtu,

Ka thup nu, no chang neia nuar ching,

Ka thinlung hian a sulhlui,

Nghilh khawpa a duh chu i tuan a tul,

Hriat phak a ni tawh lo i hlimna thuruk.

Ka hming i lam ngai em?

Dam chhungin a huam em?

Mual leh melin min dan changin,

Chhawrthlapui te khi ka nel thar leh thin,

Van chunga leng sava hram ti te hianin,

Min diriam tlat hian ania ka hriat thin,

Ngaihtuah a tamin, fiam ka dawl lo

Ei tui a harin nang bakin min mawlh lo,

Ngaih luat biazai nen chhun ni ka awi a,

Ti hian i zunzam chawiin zantiang a tawi.

Ka tel lo vin, duhthu i samin, duhthu i samin,

Ka hming i lam ngai em?

Dam chhungin a huam em?

Ka tel lo vin, duhthu i samin, duhthu i samin,

Ka hming i lam ngai em?

Dam chhungin a huam em?

Ka lunglen hrethiama min hnem tumin,

A rawn leng e, chhemdam thli fim,

Ka mit ka chhing i hlim thla ka thlir,

I tel lo chuan hmalam pan ka tim,

Mut kham leh thawh hmat,

Ka ngaih rual rualin maw chhun leh zanin, 

Ka ngaihtuah thin che a, ka hlim theih zia,

Lawm loh hian ka nui thin a, i seih ka hmuh hian.

Ka tel lo vin, duhthu i samin, duhthu i samin,

Ka hming i lam ngai em?

Dam chhungin a huam em?

Ka tel lo vin, duhthu i samin, duhthu i samin,

Ka hming i lam ngai em?

Dam chhungin a huam em?