Thianpa i la ngai ang

Phuahtu: Ngurthangvela

Satu: Ngurthangvela

Hringnun vanglai ni that lai hun, 

Hlim te'n i hmang zel ang;

Hai anga kan tar hma hian,

Chen ang vanglai ni zawng te.

Kan vanglai, kan hlim ni zawng te,

Am te'n i hmang tha ang u;

Kan thatlai hun te, kan vanglai ni te'n mual an liam zel,

Koh kir leh theih reng an awm dawn lo,

Thianpa, i la ngai ang.

Hun leh kum te an her liam zel,

Hringnun pawh dang zel e;

Kan sakhmel mawi chuai hma ngei hian,

Hlim te'n vanglai i chen ang.

Hai ang tarin sakhmel vuaiin,

Aw, a la chul ngei ang;

Kan vanglai nunhlui liam hnu,

Kan ngai ngei ang khuareiah.

Nun hlui za mual liam hnu zawng te,

Aw, ka ngai zual thin e;

Kan vanglai hun, that lai ni te,

Tawn leh ni awm dawn tawh lo.