Ka thinlai luahtu

Phuahtu: Dokamlova (Dka)

Satu: Zosangliani

Aw, khawiah nge hmana min hnemtu di ve kha,

Khawia'n nge maw ka thinlai luah zotu kha;

Tawng leh thei ngai ang i maw?

Tunhma hun leh nun hlui zawng te kha.

Hun kha leh chen kha maw, sul ang kan inzui a,

Tleitir lungmawl tihtauh vang a,

Sam ang inthenin lungtum loh tawna khiangawi a,

Ka liamsan ni te pawh khan e, suihlung zawng a leng,

Dawn chang hian lung ka vai,

Khuarei hian hnem a hnehin,

A zual tir zel, aw, thinlaina,

A zual tir zel, aw, thinlaina.

Suihlung chhir leh mah ila maw, a sawt tawh si lo,

Theih chang teh se aw, bultan leh ka va nuam em;

Mahse maw, a rem tawh lo,

Suihlung chhira tahna mai maw ni ta.

Kumpuisul tam lengdang tang bel tawh mah ila,

Thinlaia'n maw i hlui mawlh lo, i thar reng thin;

Lamkawiah tawh chang ni hian,

Thinlai a thawng thar leh asin maw.