Len dun ka nuam

Phuahtu: T Lalnunzama

Satu: Zosangliani

Tinkim han dawn hian thinlai ruka'n i cham reng e,

Mawina tinreng te hian a thuam che maw;

I sakhmel thlir nin awm loh mitthlaa'n a cham reng si,

Ngaih i zual thin e.

Duhaisam chang hianin thinlaiah i lo khat liam thin asin aw,

Nang nen buan ang pawmin se se thu di inhlan dunin;

Han leng dun ila aw, o...o...o...lawm a kim ngei ang,

Thachungchuang tleitir.

Suangtuahna mai hi zawng dawn ti tamtu mai a lo ni asin aw,

Thinlai ruka'n i cham reng si, nghilh ni i awm si lo,

Min dawn ve thin che maw?

Thinlai dam ve nan lendun ka nuam e.

Chung khuanu ruat loh na fam chu e;

Tang dang belh zai rel a tul si maw,

Min hnem thintu, i annem ngaih nin awm loh,

Thinlai a na, i cham reng e, ngaih i zual thin e.

Suangtuahna mai hi zawng dawn ti tamtu mai a lo ni asin aw,

Thinlai ruka'n i cham reng si, nghilh ni i awm si lo,

Min dawn ve thin che maw?

Thinlai dam ve nan lendun ka nuam e.

Lawm a kim ngei ang thachungchuang tleitir,

Thinlai dam ve nan lendun ka nuam e.