by Phuahtu: T Lalnunzama
Satu: Zosangliani
Ka thlir vel kan Zotlang ram nuam,
Vanhnuai khuavel sakhming thanga'n;
Siamtu'n a lo duang mawi ngei e,
Zo tui thiang leh chhemdam thlifim,
A leng vel e, Zoram tluanin.
Zobawm thing tin leh par mawi zawng te nen,
An vul siau ve tlang tin mawiin;
Chuan ila romei chhum zamin,
Tlang tin a bawm, lunglen a zual,
Thinlai mu hnu a kai tho ve.
Hram thiam va leng chung tiang lentu,
An awi an mawi Siamtu ruatin;
Par mawi tinreng vulna ram hi,
Vanhnuai khuavel hnam tin hriata'n,
I than tir ang, aw Zoram nuam.
Keini Zofa leng leh val zawng te hian,
Zoram a lo mawi zual zel nan;
Lungruala phei lai sawn zain,
Pialral ram nuam i chan tir a,
Dikna, rinawmna famkim nen.
Ka thlir vel kan Zotlang ram nuam,
Vanhnuai khuavel sakhming thanga'n;
Siamtu'n a lo duang mawi ngei e,
Zo tui thiang leh chhemdam thlifim,
A leng vel e, Zoram tluanin.
Zobawm thing tin leh par mawi zawng te nen,
An vul siau ve tlang tin mawiin;
Chuan ila romei chhum zamin,
Tlang tin a bawm, lunglen a zual,
Thinlai mu hnu a kai tho ve.
0 comments: