Bethlehemah i kal ang u (One In Christ sak)

Phuahtu: PC Lalneihtluanga

Satu: One In Christ

Kan nghahfak Van Lal piancham kawl a lo eng leh ta,

Lung min len, thinlai a thar leh thin;

Zing daifim tlaitla eng mawi lenkawl a khum riai e,

A pianna Bethlehem min ngaih tir e.

Rem len tir turin maw Van Lal nau ang a tah le?

Bethlehem dai reh ran in tlawmah chuan;

A pianna tlawm mahse lei leh Van Lal a ni e,

Lawm takin Bethlehem-ah i kal ang u.

Lawmna puan zai nem sina Van Lal nau ang pian ni chuan,

Van khawpui pawh hnimin ngui ruai e;

Bethlehem tlang thlengin maw van mi te'n an rawn thlah,

Hringmi tan chanchintha an rawn puang ta.

Ranthlengah an zalh mai maw Lal riangvai lunglai hnemtu,

Dawn changin lunglai min run ngei e;

Ranthlenga chham ang zal saw min tlantu Imanuel,

Hlim takin Van Lal nau i awi ang u.