Thlarau thianghlim nei rawh u

Phuahtu: Samuel Hmar

I dawn ve ngai em, hun tha i neih lai hian,

Chanchintha hi i hril em le?

Mamawhtu an tam, chhanchhuah tur an tam,

Chhanchhuak turin Lal Isuan min ko e.

Khawvel zawng zawngah kal ula,

Chanchintha hi hril rawh u;

Suala phuar mek te leh boral mek an va tam em,

Tho ula, thalaite u, sengkhawm hna thawk zel turin,

Thlarau thianghlim nei rawh u.

Thiamna leh finna lo sang zelah hian,

Boralna kawng i zawh em le?

Nunna kawng thlangin Lal ram pan zelin,

Thlarauva khatin Lal rawng i bawl ang u.

Zirtirna dik lo, Lalpa thupek ang ni lo,

Puanga hriltu an pung zel e;

Nang leh kei hi zawng thuthlung thianghlimah,

Thih thlengin rinawm takin i awm ang u.

Tupawh tuiah leh thlarauva piang lo chu,

Pathian ramah an lut lo vang;

Lalpa thu angin kawng dik zawh zelin,

Tuiah leh thlarauvah i piang ang u.