SIAMTHAR LEH KA NGAI A NI

Phuahtu: H Lalrinmawia Varte

Harmonised: Maremruata 

Satu: General Choir 

Kan chenna khawvel ram ni tla seng lo, 

A nawmna leh mawina parzu zam leng vel chuan; 

Min phuar vel e tangril laiah, 

Sualin min hliam tluk leh din fawmin, 

Lalram ka pan ve, ka kawng a har em mai, 

Lalpa min hruai leh rawh.

 

Aw Lalpa, ka thlamuantu,  

Chak lohnaa phuar vel ka ni; 

Siamthar lehna, siamthar leh ka ngai a ni.

 

Kan chenna paran thlaler atang hianin, 

Nun tuihal leh dang ro dang charin kan au che; 

Lo hnai leh rawh mangan laia tanpui vartu, 

I hmangaihna dai ngai reng reng lo chuan, 

Min hruai zel ang che, aw, ka Lal nunnem.

 

Thihna hlimkawr ruam ka zawh lai pawhin, 

Ka kiangah awmin ka thlarau a hualhim thin; 

Ka hlimni leh lawmlainite hian, 

Aw Lal Isu, ka hre ngai lo che, 

Hmangaih Lalnunnem min ngaidam rawh,

Lalpa Lalpa min ngaidam rawh.

 

Thiamna leh finna sualna te lo pungin, 

Sodom sualna iangin kan khawvel a khat zo ta; 

I nunna turin tlan chhuak thuai rawh, 

Unau, muang lovin phaizawl reng rengah pawh chawl lovin, 

Kan thlarau tan chawlhna Zoar tlang i pan ang.