Hun bi kan chhiar tawh lo'ng

Phuahtu: Rodingliana 

Satu: Pentecostal Choir (2020-2022), SR Vanlalnghaka

Awm khua a har vang nge, lung reng a dam thei lo,

Rairah riang min chan he lei hringnun hian;

Lal rawngbawlpui rualduhte nena hlim tea kan len laiin,

Min sawi then leh thin he lei hring lam danin.

Heti ang hian ka dawn, ka dawn thin a,

Hmangaihna khawpui Zion-ah chuanin;

Lal ram tul vanga ka kurpui zawngte kha,

Then nan hun bi kan chhiar tawh lo'ng.

Min han ngai che maw, min dawn ve che u maw?

Ka hmangaih Krista zara u leh naute;

I tuar thiam hram ang aw, kan kar lam a lo dang leh thin hi,

Lei hringnun hun kum bi dan reng a ni e.

Sawi nawn a nuam e, lunglen tisei renga'n,

Lalpa hmangaih rualduhte intawk khawmin;

Thinlung hmun khat pua Zion hla mawi saa hlim taka,

Hmangaihna fawn vela kan chen lai zawngte.

Ka han ngai zual thin che a, ka dawn thin che,

Ka hmangaih Krista aia palai rinawm;

Krista Isua sipai huaisena rinawm tak hrehawm tuar huam,

Engtin awm che maw? I dam alawm maw?