Zion ram mawi panin

Phuahtu: H Lalrinawma (Marina)

Satu: H Lalrinawma (Marina

Kan khawvel hun leh ni a kiam mek,

Hun khirh takte a lo thleng ta;

Han hawi velin tlang tin leh mual tin,

Khawlohna keh sualna tinrengin a khat zo ta,

Nova damlai nite ang khanin,

Pawngnekna leh sualin min chim mek,

Inhmangaih tawnna te a dai zo ta,

Hun hnuhnung chhinchhiahna te pawh a lo lang ta.

I kal zel ang aw, Zion rammawi panin,

Thlarau ngunhnam Pathian ralthuam famkim sinin;

Sualna thim hnuaia boral mai tur,

Chhantu nei lo saltangte hnenah,

Thuthlung thianghlim enna ropui i puang zel ang,

Chhandamna huangah i sengkhawm thuai ang u.

Chung lam vanah khian thil mak tinreng,

Hnuai lam leiah chhinchhiahna nen;

Indona rapthlak a lo thleng ang,

Lir te a nghing ang, ramtinah tam a tla ang a,

Lalpa erawh van chhum zingah,

Ropui rapthlak nen a lo kal dawn,

A thuthlung vanga sual ngaihdamte,

A mo thianghlimte chu min la rawn hruai ngei ang.

Lalpa tlang thianghlim Zion-ah chuan,

Inralrinna thu kan puang mek e;

Khawngaihna hun bi a liam hma hian,

Thlarau bo mek sang tam takte hruai kir turin,

Ralin Zion an thlen hma ngei hian,

Lal sipai huaisen ralhratte hian,

I bei ang aw, Lal Krista tan,

Tawpna ni ropui chu a thleng dawn ta.

Lalpa ni ropui leh hmingthang tak chu,

Thim leh khawdur nen a lo thleng dawn;

Beramno nupui neihna ni ropui,

Lei leh vana hnam tin chi tin te rorelna ni,

Lalthutthleng var ropuia thuin,

A hmaah hnamtin an inpuang ang,

A hming thianghlim vanga tuartute hi,

Thiam changin kan awm dawn 'Thuthlung Thianghlim' vangin.