Chatuan khua var tawh rawh

Phuahtu: K Lalthanzama

Satu: Vanlalzapi, Ruantlang kohhran hmeichhe zaipawl, Armed Veng East Kohhran Hmeichhe Zaipawl

I lo kal ni a hnaih tawh vang em ni, Lalpa,

Nawmchenna suala tlu an pung ta;

Indo, buai, retheihna leh tamna te'n,

Khawvel hmun tin a rawn hrut del del.

Lal Isu, i lo kal leh hun chuan,

Van Angel ten kan rawng an bawl ang;

Fa nihna changin kan leng dawn si a,

Aw, chatuan khua, tunah var tawh rawh.

Kan Chhandamtu hmel duhawm tak kan hmuh hun chuan,

Thih leh nat vanga lungduh then te;

Lungngaih, tah, lusun, mittui a hul ang,

I lo kal ni kan va nghakhlel em!

Kan nghah chatuan khua tunah lo var tawh mai se,

Retheih fa lawma kan chawlh hun tur;

Ngaihtuahin ka buaina a kiang leh thin,

Aw, chatuan khua, tunah var tawh rawh.