Chen la vanglaini

Satu: Lalrintluanga Varte

Mim ang piangin chunnu'n min chawilian a,

Chutin thang zelin vanglai kan thleng thin;

Leng zawng te'n kan vanglaini tawite hi,

Am te'n i chen za ang u, lungrual te'n.

Hlim te'n chen la, chen la, vanglaini,

Uaiin a chul dawn e kan hlim lai;

Kei zawng ka ngaingam lo ka han dawnin,

Par ang vul leh hian an mawi si lo.

Hring chan kan nun kalsiam han dawn vel hian,

Lung reng a awi thei lo kan riang lua e;

Rial ang ral leh mai tur kan hlimlai ni,

Ngaia au vin kan la chhiar let ngei dawn.

Hun leh kumte lo herliam zelah hian,

Hai ang tarin vawr tawp kan thleng si thin;

Mahse, a ngaihdan tal i thiam ang u,

He hringnun dan hi i ngaithiam ang.