I tan a tawp

Satu: Lalrintluanga Varte

Nang nena kan nunhlui ka han dawn chang ni hian,

Auh kir leh ka nuam thin hlim lai;

Mahse, han dawn chiangin thinlai a nur leh thin,

Nang nena len ai chuan lengdang ka thlang zawk e.

Chung khuanu leng zarah dam te'n leng nang che,

Chutin kumtluang thaia'n lengdang pawm ta la;

Nang ngaih ka bang ta'ng e, lengdang ka pawm ta'ng e, 

Mangtha, i tan a tawp.

Chun leh zua lung rem loh, chin lai leng zawng sel chu,

Thinlai ruk a dam lo, ka tan;

Chutin min ngai lo te'n lengdang chu pawm ta la,

Ka dem lul lo ang che, ka theihtawp ka hen lo'ng che.

Nang nena khua hmunah kan lendun lai zawng khan,

Thinlai chhum ang a zing thuai e;

Mahse, nang tawng lo va tlai ni han len meuh chuan,

Thinlai zing a kiang huai huai, i liam, ka lawm e.