Lal zunleng ngaih

Phuahtu: Chhuansanga

Satu: MSI

Suihlung a leng em mai, awi maw, a leng em mai,

Lal ram ngai khian suihlung a leng vawng vawng e;

Lunglai a dam thei lo, Zion ngaih luaithlipui ka nul leh thin a lawm.

Amen! Amen! Amen! engtikah nge ni ang maw?

Lalpa, i lo kal hun tur chu,

Zion fate'n he lei hi kan ning tawh a lawm,

Aw, lo kal tawh mai rawh le.

Turni thlang lenkawla'n, awi maw, a her liamin,

Awmkhua a har, zan khua hrui ang a sei e;

Lal hmangaih par tlana kan lenlai ngaih ni a zual leh thin a.

Hrut del, hrut del del ang, zaiin i hrut ang aw,

Lairilah cham Zion panna lamlian chu;

Tanglaiah min phuar e, Lal zunleng ngaih hi maw, ka tuar zo lo.

Chung mu ianga thla neih, awi maw, ka van chak em,

Lal ramah khian ka thlawk del del tawh ang;

Hringnun hi ngai lo vin, hnutiang chhawnin Zion ka pan tawh dawn a lawm.