Mangtha mai le

Satu: C Vanlalzuia

Hmanah biahthu di dam te'n nang nen kan hrilh dun laiin,

Hmangaih biahthu annem min lo hlan a;

Tunah leng dang tan belin nang ngaih lai ka bang tawh e,

Biahthu der hlan thiam, i hlui, mangtha mai le.

I her awl e mi tawnah, biahthu di hlan thiam lenglerh,

Lung ka chhir, enga'n nang kher ka lo tawn che;

Mahse maw, ka thinlaiah duhaisam ka tawng ta e,

Nang zawng dam te'n kumtluangin mangtha mai le.

Dam te'n leng dang chu bel la, biahthu di chu hlan zelin,

Suihlungchhirin lam ang hian lo kir lo la;

Kei zawng e, ka rem tawh lo'ng, i tan hian kumtluang atan,

A sawt lo'ng luaithlinulin lo kir mah la.

Nang nena kan lenlai khan biahthu tinkim min hlan a,

A tawk ta derthiam nui mawi ka tawna'n zawng;

Tawn thar di tangah beiin biahthu rinawm kan hlan e,

Nun hlui ngaih ban zai ka rel zawk mai nang e.