Ngaidam hram rawh

Phuahtu: Siamsiami Chawngthu

Satu: Kima Chhangte

Hriat ngai loh tleitir ka lo tawng a,

Leng zawng i chhingzo ngei e;

Duhawmna par mawi i lo nei si a,

Kei lungmawl tan hian i tling zo ngei e.

Mahse maw, ring leh tur che hian e,

Ka thinlung hliam hnu hian a phal si lo;

Rinawmna thu i tiam laiin hnutchhiah ka lo ni leh si,

Aw, tawnmang mai ni sela, ka tuar nem ve mahna.

Hmangaihna der maw min lo hlan zawng hi,

Lai thin a deng hriatchhuah changin;

I duh ber tawnah chuan, aw, ka duhlai,

Hlim te'n len zai rel la, ka liam ta'ng e.

"Ka hmangaih ber che," ti chung hian maw,

I kalsan tak tang i bei si;

Hriatthiam zai ka rel thei lo, ka duhlai,

A na asin, ka thinlung i nghaisak dan hi.

Aw le, duhlai, nang rin leh che ka chak thin,

Mahse, i phu tawh si lo, engkim hi;

I dawna ka thinlung i hliam ni khan,

Tunah chuan maw, nang nghilh zai relin,

Duhsakna sang ber pawh a hlan thei si lo che,

Aw, ngaidam hram rawh...