Lungduhte lenna

Satu: K Lalremmawia

Dawn changin ka ngai zual thin a,

Lungduhte an lenna hmun;

Aw, chutah min ngai lo te'n,

Chhandamtu ropui fakin hlim zai an vawr.

Engtik nge ka thlen ve dawn le,

Lungduhte lenna hmunah;

Aw, chu hmun thleng ve turin,

Hringnun hrehawm hianin min dang si.

Aw, chu hmun ka thlen ve hunah hlim tein,

Hmangaihte nen chu hmunah kan leng ang;

Lawmna hla kan rem tawh ang a,

Lei nun reng kan ngai tawh lo'ng,

Engtik nge chu hmun ka thlen ve dawn?

Lungduhte lenna ram mawiah khian.

Luiral mawi ka thlen ve hunah,

Hlimtein lungduhte nen;

Bang lo vin kan fak tawh ang,

Ka nghakhlel then lohna ram mawi chu.