Beramno Isua

Phuahtu: Upa K Lalremsiama (Marema) (Chanmari, Lunglei)

Satu: R Lalrinmawii (Arini Ralte)

Ka dawn thin chatuan ram mawi Salem thar khi,

Thlen ka nghakhlel e, lung min len mang e;

Rinnain ka han thlira a ropui zia,

Beramno a eng reng e, zan a awm lo,

Van kawtthler ka thlen ve hun chuan,

Isuan min lo kuangkuah ang.

Chu hmun mawi ka tan a buatsaih chu,

Chatuana ka chenna tur a ni;

Thih leh nat, lusun, tahna, hrehawm, buaina awm tawh lo vin, 

Hlimin kan fak tawh ang - Beramno Isua.

Natnate ka tawh changin ka ngaizual thin,

Lungkham buaina reng awm tawh lohna chu;

Lungngaih, tahna mittuite tla rih mah se,

Chu hmun mawi ka thlen hun chuan a hul tawh ang,

Hmangaihnatu ka Lal hnenah chuan,

Muang te'n, aw, ka chawl tawh ang.

Chu hmun mawi ka tan a buatsaih chu,

Chatuana ka chenna tur a ni;

Thih leh nat, lusun, tahna, hrehawm, buaina awm tawh lo vin, 

Hlimin kan fak tawh ang Beramno Isua.

Damlai khawvel kan pelh hun chuan,

Chatuan ramah ropuina leh chawimawina lallukhum mawi chu,

Hmangaihtu Lal Isuan min hlan tawh ang a,

Beramno Isuan ro a rel tawh ang,

"Chatuan, chatuan thlengin a thianghlim e" tiin

Fak hla reng kan chawlh tir tawh lo vang.

Van kawtthler ka thlen ve hun chuan,

Isuan min lo kuangkuah ang.

Chu hmun mawi ka tan a buatsaih chu,

Chatuana ka chenna tur a ni;

Thih leh nat, lusun, tahna, hrehawm, buaina awm tawh lo vin, 

Hlimin kan fak tawh ang - Beramno Isua.

Chu hmun mawi ka tan a buatsaih chu,

Chatuana ka chenna tur a ni;

Thih leh nat, lusun, tahna, hrehawm, buaina awm tawh lo vin, 

Hlimin kan fak tawh ang - Beramno Isua,

Beramno Isua...