Luiral mawi

Phuahtu: Fela

Satu: R Lalrinmawii (Arini Ralte)

Lei hringnun ral hunin ka thla vanangah lengin,

Lei ropui mawina kalsanin he ka hringnun hian,

He lei hrehawm hnutiang chhawnin Isua kiangah chawl turin,

Suangtuahnain Pa hnenah ka chawl a.

Thlen ka nghakhlel tlante nen bang lo va Lal fakin,

Luiral mawi ka thlen hun chuan,

Chhandamtu kiangah chawlin,

Fakna hla sain chawimawina hla ka sa ang a,

Lei nun ngai lo vin ka chawl ang.

Aw, engtik nge chu hmun chu ka thlen ve hun ni ang le?

Then tak te nen chatuan Lal fakin Van Lal run nuamah,

He lei taksa hi chuai mai tur,

Van taksaa inthuamin ropuina ram mawiah ka chawl ang.

Thlen ka nghakhlel tlante nen bang lo va Lal fakin,

Luiral mawi ka thlen hun chuan,

Chhandamtu kiangah chawlin,

Fakna hla sain chawimawina hla ka sa ang a,

Lei nun ngai lo vin ka chawl ang.

Lei lungngaihna tawh changin ka ngai zual thin chu hmun chu,

Nghakhlel takin ka thlir fo thin luiral mawi tak chu;

Lei hringnun reng hi ngai lo vin,

Van ropuina engah chuan chatuan atan muangin ka chawl ang,

Lawma zaiin hlim takin chatuana Lal fakin,

Luiral mawi ka thlen hun chuan,

Chhandamtu kiangah chawlin,

Fakna hla sain chawimawina hla ka sa ang a,

Lei nun ngai lo vin ka chawl ang.

Mahse, chu hmun thleng turin,

Lei nun hian min dal si a,

Ral tawh mai se lei hringnun,

Chhandamtu kianga cheng ve turin.

Luiral mawi ka thlen hun chuan,

Chhandamtu kiangah chawlin,

Fakna hla sain chawimawina hla ka sa ang a,

Lei nun ngai lo vin ka chawl ang.