I lenin ka lung a leng

Phuahtu: Natan Lunghnema Pachuau

Satu: H Lalrempuia

I lenin ka lung a leng,

I awmin ka ngaih zual;

I zunzamah ka zam ral,

I sakhmel tu el rual loh.

Sakhmel sakruang mawi hluan,

A tha ainawn leng tin khum zo;

Perhkhuang hrui rimawi chawi a,

I zai aw mawiin min dam ngei.

I sakhmel tawng ila,

I chawnban chul ila;

I hmui hmai thlir chungin,

I kiangah nileng ila.

Lungphang lo te'n leng la,

Hmar tlangpui khua mawi zelin;

Khuanu hualin dam hauh la,

Ka tan khawvel tivul zel rawh.

In vangkhua ka rawn bel a,

In run sang ka rawn kai a;

I chunnu leh zua te'n,

Min sel lo ka hlim ngei e.

Sakhmel sakruang mawi hluan,

A tha ainawn leng tin khum zo;

Perhkhuang hrui rimawi chawi a,

I zai aw mawiin min dam ngei.