Kan thawnthu tawpna

Phuahtu: K Hminga

Satu: K Hminga

Kan kar thu vul hnu, chul ta kha,

Natna tur an chang,

Sawi tamin hril tam lo mah ila,

Rukin laiah an zam.

Mahse, lung hlui len avanga,

Kir zai rel lo ka thinlung hian;

Duhthlanna a siamah hian,

Mawhphurtu i ni si a,

Damna hi tawrhna dang a chang a,

A daifem te'n min hliam ta.

Zan chhawrthla eng khi darthlalang chang se,

Ka di Nemi, nunhlui chang chulrama leng saw; 

Vawi khat tal thlir leh na'n.

Sulhnu hlui ngui ruaia thlirin,

Lunglen vangin tah mittui ropuiin lo luang mah se,

Chaponain ka vui liam,

Tih leh sawi hun chu a liam tawh,

Kan thawnthu tawp rawh se!

Hmangaihna chauh hi kar thu, 

Suih zawmtu a lo ni lo;

Hmangaihna chuan thuamchhawm tha

Nei hian kei zawng ka ring a,

Derthawnna erawh i lak ata ka dawng hi,

Min hliam nawntu.

Tih leh sawi hun chu a liam tawh.

Kan thawnthu tawp rawh se!