Kan lawmna ni ropui

Phuahtu: Evan. F Khualluta

Thluk siamtu: LC Pachuau

Satu: Pukpui Bial PYD Zaipawl (2023 - 2025)

Aw hmangaihna, hmangaihna ram Zion tlang mawi chu, aw, lo eng tawh rawh,

Van Jersusalem khawpui thar nuama lengte zawng chuan;

Lungngaihna biahthu reng reng hi an sawi ngai tawh lo,

Ka Lal lenna ram mawia lengte zawng chuan.

Aw, I ropuina nen I lo kal hun tur, aw, kan nghakhlel hle,

Hun hnuhnung chhinchhiahnate zawng pawh a lo thleng zel ta si a;

Engtikah nge tlansate chatuan zalenna ni tur, 

Kan lawmna ni ropui a lo thlen ang le?

Khawvel sual leh chhandamna thu hril a bang dawn lo, lo kal tawh mai rawh,

Khawvel hawiher leh nawmchenna reng hi a khamawm lua e;

Lalpa, leia i mi tlante an la kim lo em ni?

Zion faten lei hi, aw, kan ning tawh e.

Haleluia! Beramno engah kan leng dawn si, aw, Haleluia!

Kan sawi leh kan hrilh hi ngaithla lo va lengte zawng chuan;

An chatuan ram Setan ral lian Gehena meipui,

An chang tawh dawn si a, a pawi dawn mang e.