Krista taksa kohhran

Phuahtu: Lr Lalrinmawia Hnamte

Satu: Zemabawk North Pastor Bial Zaipawl

Krista taksa kohhran, suihlungruala kan lenna,

Sawichhiat, elrelte tawk mah se;

A nghing lo vang Krista kohhran.

Kristiante himna tur leh kulhpui nghet ni turin,

Pawl thianghlim kai dum awm lo, Lalpan kohhran min pe;

Hei lo liama lawmna awm chuangin ka ring lo,

A thisena tlante'n Tlantu kan fak fo vang.

Hmasang tirhkoh huaisente nghet taka ding tlatin,

An rin an bansan ngai lo, tuarna pawh tawk mah se;

Keini ringtute pawh an sulhnu hre rengin,

Ringtu pawl ho kohhran thlah lo vin i vuan ang.

Kan kiang maia buhvuite at turin nang leh kei,

Thawk chhuak ang aw, muang lo vin, seng turin min sawm e;

Chanchintha puandarh leh rawngbawl hna chhunzawm hi,

Kan theihna tlem mah se, bang lo vin i thawk ang.