A rem lul lo

Phuahtu: Zirsangzela Hnamte

Satu: Zirsangzela Hnamte, Lalhungchhungi Pachuau

Sam ang kan inthen ta a maw,

Tuar thiam zawng a har thin mang e;

Kha zawng kan nun ka han dawnin,

Then ni chhuak hian a mawi mawlh lo ve.

Ka hlan nang che, tihian biahthu,

"Dominus vobiscum;"

Khuanu hual zelin leng ta la,

A rem lul lo a ni e, Mampui,

Nang nen kumtluanga run lum hi.

Rualduh zingah hlim chang awmin,

Sen nau iang nui thin mah ila;

I ngaih puan ang ban theih si loh,

Mahte'n lunglen ka tuar leh thin.

Ka dawn kir ngam nem maw, nunhlui,

Mahse, hai ang min thang si thin;

Hmangaihna kumhlun lo hi maw

Enga'n min lo hlan mai ni le?

Hun hian lunglen a hnem an ti,

Chutin hun her zel hmatiam a;

Thinlai chhum ang zing kian nghakin,

Chhaktiang kawl eng ka chhiar ta'ng e.

----

"Dominus vobiscum" tih hi Latin tawng a ni a, a awmzia chu "Pathianin veng zel che rawh se/awmpui zel che rawh se" tihna a ni.