Johny i dam thin em?

Phuahtu: Roliana Ralte

Satu: Roliana Ralte, Lalenkawli Pautu

Hmangaihtu thian duhawm leh lung min hnemtu,

I dam thin em, khuanu zarah?

Sakhmel tawn loh ni a va rei thin em,

Thian ngaihawm, ka nghilh lo che asin.

Hun leh ni an ral zela kan nun a dang zo ta,

Mual za kar danah kan leng ta;

Tuantul vang a ni, aw, hringmi kan nun,

Khua hmun len a rem ta si lo.

I dawn thin em, nunhlui zawngte?

Eng dang dawn lo va ramtuan kan rel;

Chhawrthla zan reh siar eng ruai hnuaiah,

Zaia thu tin kan hrilh lai te kha.

Kei chu e, khuanu ruat lung mi dum hmangaih nen,

Kumtluang atan kan tiam ta a sin;

Damchhung run lum tur nang hmangaihtu che,

Chung khuanu'n a la ruat ngei ang.

Khawnge an awm lenrual dangte,

Chun leh zua run an la mawi nge ni?

Pawmlai nen runrem an rel ta zawk nge,

Nunhlui ngai ve thin hian i ring em?

Tawk mai se, thian ngaihawm, zaiin ka hril seng lo,

Dam takin, khuanu zarah dar ang tawn leh ni a la her ve ngei ang,

Dam takin, Johny, mang tha mai le,

Dam takin ,Johny, mang tha mai le.