Fak che kan bang leh thin

Phuahtu: C Lalzarmawia

Satu: Maruati Hnamte (H Lalremruati)

Zing tian khua lo var a, khua chuana hawi velin,

Tlang tin mawiin a vul ngei e, thlir nin a har ngei e;

Thangvan a thiang mawi e, sirva leng lam thai nen,

Turni eng mawi malsawm thlentu lunglai a dam siai e.

Lalpa, i thilsiam te'n fak che an bang nem maw,

Thiam tawp an chhuah, i ropui an hril, nang an fak ning lo che;

Keini hringfa ve hian theihtawp kan chhuah nem maw,

Fak tawk hi, aw, i awm loh nen hian maw, fak che kan bang leh thin.

Partin an vul siau ve, thianglimin mawi ngei e,

I thinlung ril an tarlang a, i thianghlim an hrilhfiah;

Chhemdemthli leng hian maw, hei hi min hrilh thin a,

Thinlung nate thawidam thintu hmangaih Pathian i ni.

I hmangaih hla kan sa, i zahngaih kan hril fo,

Kan hmangaih che lantir erawh a har leh thin si a;

Hei hian a tarlang thin hringmi thinlai ril hi,

Bawhchhia kan ni, Krista zara thianghlima pawm ve mai.