Ka fak zel dawn

Phuahtu: Marvin Lalhrilliana

Satu: Lallungtiawii

Hun kha leh chen min kaihhruaia, kum hei leh chen min enkawltu,

Ka Lal duhawm, ka tan i lo va han tha em;

I hmangaihna a hlu chuang e, i khawngaihna a ropui e,

Thu leh hlain ka puang zel dawn, ka hril zel dawn.

Aw, a hlut zia, a mak zia hi ka hril seng lo, a tam zia hi,

Lalpa that zia ka dawn reng hi an mawi hluan e;

Englai pawhin ka fak zel dawn ka dam chhungin ka chhuang zel dawn,

Ka Lal a ni, ka lawmna ber.

Lalpa lo chu chhuan tur reng leh rinchhan tur reng tunge ka neih,

Van hnuai mi hmingsak zingah hian an awm lo ve;

Hei hi a ni ka duhsam ber, a hming fak leh chawimawi zel hi,

Ka hlimna leh ka lawmna ber a lo ni e.

Tunah hei hi ka lo hre ta, nang fak zel hi ka thupui ber,

Ka damchhungin chhuan tur dang reng ka nei lo ve;

Ka tana i rinawm zia leh min duhsakna ka chhiar seng lo,

Lalpa a tha, a zual zel thin chhun nitinin.