Krista sipai tha

Phuahtu: B Lalawmpuia

Satu: The B4

Krista sipai zawng zawngte, huai takin i kal zel ang,

Sipai rinawmah Lalpa'n min thlang ta si;

Sual doral hneh zel tura ralthuam famkim inbelin,

Lalpa chaknain sual ral i bei zel ang.

Hmahruaitu Lal Krista chu i en zel ang,

Lal berte Lal ber Pathian a ni si;

Amah kan lamah a tan zel phawt chuanin,

Engmah rengin min tibuai tawh lo'ng.

Felna awmphaw chu hain, remna chanchintha ngei chu,

Kan kea bunin hmalam i pan ang u;

Mi sual thal alh thei zawng zawng kan tih mih theihna turin,

Rinna phaw hmangin sual ral i bei zel ang.

Krista sipai tha angin hrehawm i tuar zel ang u,

Sipaia min thlangtu chu a lawm theih nan;

Damchhung khawsak lungkhamna zawng zawngte chu kalsanin,

Chhel takin Lal Krista tan i bei zel ang.

Thim lal kulhte thiat ila, Lalpa ram i zauh zel ang,

Huai takin hnehna thu hi i puang ang u;

Lalpa tan a tawp thlengin rinawmin thawk zel ila,

Nunna lallukhum Lalpa'n min pe ngei ang.