Sakhmeltha

Phuahtu: Muana Hnamte

Satu: Zach Zonuna

Tleitir sakhmeltha, i anka zawng a mawi ngei e,

I kamchhuakin lung min awi ngei e;

I tuanna tlang leh mual zawngte an mawi ngei e,

An vul ngei e, zan par rimtuiin a hual vel che a.

I lenna tlang ka thlir a,

Nang chhing zo an awm lo;

Hetiang em a ka thinlai luah tur hian,

Eng zawlaidi nge min tah mai le?

Lenghermawi, i mit a mawi, duhaisam lanu i ni,

Leng zawng te'n an hel rawn che;

Val tin an hrang lua e.

Vawi khat ka tawn ni a, ka thinlai luahtu i ni,

I sakhmel leh kimtlang a mawi bik ngei e;

Hlan che ila, engtin min lo ngai ve che maw, Bawihte?