Hruaitu Isua

Satu: F Lalzamliani

Hringnun kawng zawh turin,

He leiah ka lo piang a;

Chung Pathian zarah dam te'n lo lianin,

Puitlin lam ka pan zel a,

Duhthlannaah ka ding.

Nunna kawng thuamah dingin,

"Khawi lam nge ka zawh ang?" tiin;

Aw Isu, min hruaitu ni la, 

He khawvel bona ramah hian eng lo ni la,

Kawng chin hriat loh pawh ni se,

Nang i awm chuanin kawng a lo lang thin.

Hringnun rual el kawngah kal vein,

Theihtawp chhuahin thiamna leh finna zir nei turin;

Tukchhuakin run sang belin,

Hun leh ni ka chhiar thin.

Nangmah nen chuan engkim hi,

A hlutna a zual thin,

Lalpa, aw Isu, min hruaitu ni ila,

He khawvel bona ramah hian eng lo ni la,

Kawng chin hriat loh pawh ni se,

Nang i awm chuanin kawng a lo lang thin.

Hringnun ka hrethiam ta,

Lamtluang kawng ka chhui thiam ta;

Hlawhtlinna kawng chu kawng chhukchho a ni,

Chhel taka zawh zel tuten,

Hnehna no an dawm thin.

Mahse, nun kim nei turin,

Krista hriatna hi a tul reng,

Aw Isu, min hruaitu ni la, 

He khawvel bona ramah hian eng lo ni la,

Kawng chin hriat loh pawh ni se,

Nang i awm chuanin kawng a lo lang thin.

Aw Isu, min hruaitu ni la, 

He khawvel bona ramah hian eng lo ni la,

Kawng chin hriat loh pawh ni se,

Nang i awm chuanin kawng a lo lang thin.