Thiantha Lal Isua

Phuahtu: Upa PC Lalchunglura

Satu: BCM Choir (2022 - 2025)

Lalpa thatna hi, aw, tem chhin ve tehreng u,

Nitin zantin a thatna chuai ngai lo kha;

Min enkawl, min veng reng thin, min thlahthlam ngai si lo,

Thiantha Lal Isua, a thatna chuai ve ngai lo.

I ralna hmun apiangah chuan Lalpa a lo mawi ang,

I tlawmna hmun apiangah chuan a ropui zual zel dawn;

He leiah chawimawiin awm lo mah la, chunglam khian a theihnghilh ngai lo,

I lawmman hlu, i tan a awm e.

Nun beidawng chauva rum riangvai leh chanhai te,

Kalsan thei lo, a hmangaihna chuai ngai lo chuan;

Theihnghilhin min kalsan lo, nitinin min hruai thin,

Thiantha Lal Isua, a thatna chuai ve ngai lo.

I ralna hmun apiangah chuan Lalpa a lo mawi ang,

I tlawmna hmun apiangah chuan a ropui zual zel dawn;

He leiah chawimawiin awm lo mah la, chunglam khian a theihnghilh ngai lo,

I lawmman hlu, i tan a awm e.

Malsawmna hlu (Engkim i chan zawng zawng) chhiarsen loh i chan zawng te,

(I chhiar thin em? I ngaihtuah ngai em?) A hlut zia, a ropui zia ngaihtuah la;

A khawngaihna i chan zawng hi, i phu reng vang a ni lo,

Mi sual, nang leh kei nitin timualpho thintu hi,

Hmangaih vangin min enkawl, min thlahthlam ngai lo, min thlamuan thin.

Kan buan te hi thisa leh thisen anni si lo,

Lalna leh thuneihna te an nih hriain;

Van hmuna thlarau sual awm te hneh theih loh nun,

Lalpa leh a ram tan nei tlat ang che.

Lungngaih zan in kian zai rel lo mah se,

Khua durin chhum zing thin mah se;

A mawi zual ngei ang, Lily par ai a mawi Lal Isua,

A mawi zual ngei ang, Lily par ai a mawi Lal Isua.