Annempui

Phuahtu: H Lalthakima

Satu: H Lalthakima

Rum vung khawl liana her zelin,

Rini lui lei kan her liai liai;

Chhingkhual chan nan vangkhua belin,

Ami lengte'n hlim zai an vawr,

An chiar nghian e, Darkhua an mawi.

Min dem lo la, aw, Annempui,

I zun ngai hi min dem lo la;

Sakhmel tawn leh hun thlir chungin,

Damte'n zan mu ka chhing ta'ng e.

Chhingkhual chan nan vangkhua an mawi,

Mahte'n laitual ka leng vel a;

Ka tawng lo che, aw, Annempui,

Chhingkhual zin zai lo rel thuai la,

Hlimte'n laitual lengdun ang aw.

Damte'n khuanu'n min hual zel se,

Hlimte'n nang nen lengdun zelin;

Tudang lengdang ngai lo reng hian,

Hmangaihna par tlan zel ang aw,

Hringnun hlimte'n hmang chul dun ang.