Hellai Mambawihpui

Phuahtu: H Lalthakima

Satu: H Lalthakima

Turnipui thlang lenkawl lam herliam tur saw,

Ka thlir ngam dawn ne maw suihlunglen vangin;

Zan khua lo tlai lung a leng, i zunleng ngai hi,

Min han dawn ve ni awm maw, hellai Mambawihpui.

I sakhmelmawi sensiar leh i bahsam leng siau,

Chhingmitthlaa'n a cham reng anka dam diai nen;

Ka duhaisam kimna chu i hmangaihna chauh,

I hmangaihna chauh a tawk, ariang lungdam nan.

Chhingmit lenin fangin han hawi vel ila,

Ka tawng lo nang aia tleitir sakhmeltha;

Ka thinlaina damna chu han dawn ve ni la,

Sawi leh hrilh nawn a ngai lo, hellai Mambawihpui.

Thinlairuk hmangaihna chuanin e, Bawihte,

Ka thlang ber che asin zaleng zawng zinga'n;

Sam ang then zai rel lo te'n min han dawn ve la,

I tang belh zai ka rawn rel hmangaih rose par iang.