Ka chenna ram thlaler a ni Lalpa

Phuahtu: Lalruali

Satu: Martha Laldingpuii

Ka chenna ram thlaler a ni, Lalpa,

Thlemna chhum leh lungngaihnaten;

An hliah fo Chhandamtu hmel duhawm,

Lalpa, i hnena awm reng ka duh.

Ka tawngtai ngaithla la,

Ka dil malsawm ang che;

I aw nem nghakin ka lo thu,

I thlamuanna, i thlamuanna aw chu.

Hmanah Gethsemani-ah lungngaiin,

I tan venpuitu an awm lo;

Kei pawh i hniakhnung rawn zui vein,

Lalpa, i tanpui ka ngai a ni.

Buaina chhum kara ni eng mawi tak chuan,

Ka thinlung thim chu a rawn en;

Kalvari-a hmangaih lo lang kha,

Hril turin Lalpa min pui ang che.

Hrehawm mah se, i ta ka ni, Lalpa,

I tan nung turin min pui la;

Ka hun zawng i tana hman ka duh,

I tan chauh min tithianghlim ang che.