Malin min awm tir ngai lo

Phuahtu: Chawngi Pachuau

Thluk siamtu: Biaka Khawlhring

Satu: Herald for Christ

Damchhûng nawmsakna zawnga nitin hun hmangin,

Lalpan min hruai, min hmu reng tih hre lovin;

Ka hun hlû leh duhawm ka hmangral ṭhîn,

Mahse, malin ka awm lo, min kalsan ngai lo.

Ka lam ṭang ni lo la chu, aw Lalpa,

He hringnun hian khawi lam nge a zawh ang le?

Min hruaina ka tân lâwmna, min zirtîr ka tân damna,

Malin min awmtîr ngai lo, ka Lal Isua'n.

Nangmah hlata hla taka ka pên bosanin, 

I hmangaih bân tihtawiin a awm nêm maw;

Tiang êma min hmangaihna ropui hi,

A sâng êma ka hrethiam lo a ni, Lalpa.

Khawvel châkna leh thiamna chuai leh mai ṭhin hian,

Nun tibuaiin thlarau mit tuam ṭhin mahse; 

Min vêng reng, min kalsan ngai lo Isua'n,

"Thlamuang takin awm rawh u, keiin khawvel ka ngam ta."

Haleluiah! min hmangaihna ropui hi,

Chuai ni rêng a awm dâwn lo, a va hlu em!

Min hruaina ka tân lãwmna, min zirtîr ka tân damna,

Malin min awm tîr ngai lo, ka Lal Isua'n.