Min then lo'ng

Satu: J&J (J Lalthlengliana & J Lalremruati)

I hmangaihna vangin lawmthu ka hrilh che,

Ka tan i rinawm vangin lawmthu ka hrilh che;

Sakhmel tawn loh ni reiin hmelma anka hrang mahse,

Tawn leh ni nghakin muang te'n i leng zel ang.

Kan kar hmangaihna mawi te'n lo vul zel se,

Hun leh ni hlim te'n chenin i hmang dun ang;

Vanglaini te lo tlain sakhmel pawh lo chuai mahse,

Ka tan chuanin, aw, i mawi hluan e.

Hlim te'n, aw, i leng zel ang,

Hmangaiha indi rialin;

Doral leng selna anka kan hlau lo'ng,

Engmah rengin min then lo'ng.

Ti hian ka dawn thin che thinlairukah hian,

Thachungchuang, nang ang hi ka lo phu reng em ni?

Ka van malsawmna i ni, ka lei lawmna par ngei chu,

I tan ka theihna zawng ka rawn hlan e.

Duhlai, hmangaihnain bul kan tan tawh a,

Hmangaihna kawng chu chhuiin i zawh dun ang;

Lungkham reng a awm lo'ng e, hmangaihna hrui khat vuanin,

Suihlungmuang te'n, aw, i leng zel ang.