Nghilh zai rel zawk ang

Phuahtu: Eliza Mapeka

Satu: Manuna

Tlai khua lo eng, fur khua lo zing,

Kir tawh lo tura i sakhmel tawngin;

Sut leh turin theihna a awm si lo,

Hriat loh karah hlimna - lungngaihna mai.

I hmangaihna ka dawn, ka hai mawlh lo lungrun,

Tunah nang zawng lo kirin;

Mah se, tuahremloh di ngaia lunglen,

A rem tawh lo, hmatiang thlir nang e.

Tah chuan hnutianga kir let zai relin,

I awm lohna khawvelah bul tanin;

Hlimte awmdan a awm lo'ng maw?

Ka duhaisam a ni thinlairukah.

Hlim hmel phena lungngaihna awm thin leh,

Sakruang mawina kara'n thinlung hliam pui;

Zantiang leh chhawrthla eng no riai vangin,

Lungngaih a intan leh thin lungrukah.

Nang nena lendun nan tawn ni her mah se,

Ngai a awh zo lo'ng kan karah;

Nghilh zai rel zawk ang, nghilh zai rel zawk ang,

A rem tawh lo, hmatiang thlir nang e.