Zan ngaihawm

Satu: H Lalthakima

Zantiang chhawrthla siar eng hnuaia'n,

Duhte'n buan ang kan lo inpawm a;

Mah se, tunah leng dang tang nem belin maw,

Zamual min liamsan i lo tum le!

Aw ka di, i zun ngaih lunglen hian,

Kian zai reng hi a rel thei si lo;

Nang nen hlimte'n kan nuih lai zante,

Zan ngaihawm an lo chang zo ta maw!

Kan sul-i-hnu zawngte dawn changin,

Thinlaiah puan ang i hlui thei si lo;

Ka dawn ngam lo kumtluang sam ang then reng mai zawng,

Ka dawnin lung reng a awi thei lo.

Mah se, thinlai rukah dawn chuanin aw,

Duhluatah nau ang ka lawm sual em ni?

Ti maia suihlung min her san hi, lungrun,

Kei ka tuara'n vanpui a lo chim.