Rinngam Lalpa ((6:11 Original Soundtrack)

Phuahtu: C Lalzarmawia

Satu: Maruati Hnamte

I hnenah ka engkim ka sawi khan,

I ngaihthla ka thinlung ruk ril zawng;

Thinlungril tawrhna leh lungngaihna thuk mahse,

Nangmahah ka beisei a nung leh thin.

Ka beisei i ni, i hnathawh nghakin,

Ka chau phal lo, ka beidawng ngam lul lo;

I rinawm ka hria, min thlahthlam lo'ng,

Ringam Lalpa i ni.

Kum sawm chuang thiput khan a pan che,

Puan hmawr mai khawih lo i thinlung zawk;

Uite paw'n an pute chawnawi tla an chhar ve kha, 

Aw Lalpa, nang ka beisei fo vang che.

Ka hmu ang i thiltih ropui chu,

Ka hril ang i hnathawh mak tak chu;

Ka duhsam min pe a, aw, ka lawm a sang dawn em,

Chutin e, nang ka fak zual zel ang che.