Siamtu chawimawi nan

Phuahtu: Chris MS Dawngkima

Satu: Zoramchhani

Tlang sang leh phai zawl an mawi ngei mai,

Luipui luang ri rimawi kan hrilhfak;

Van arsi ten eng mawi an thup thei lo,

A hmangaih ril zia nungin an hril.

Siamtu chawimawi nan tingtang ka kaih ang,

Sirva zai mawite chu zawm vein;

Pangpar mawi leh thing tin reng nen,

Kan vul za dawn Siamtu fakin.

Zing ni chhuakin kawl a her liampui,

Siamtu sulhnu chhiar a manhla ber;

Nghilh loh nan hriatna thiang kim min pe a,

Hai der rual em ni? zungzam a fan.

An hmun luah tur ni leh thla ruat a,

Tawk tea lei a her vel lai hian;

Tisa thisen tawk fang i rel fel hi,

Mak tiin ka rin a nung ka hria.