Tan in kawngka (Tan In Kawngka MOVIE OST)

Phuahtu: SVP, Hmuihmul

Satu: Francis Hmuihmul

Vanduainaten min tuamin,

Ka kawng chu thim mah se;

He thu hi ka hre reng thin,

"Khuanu'n a rel sual ve ngai lo" tih hi.

Zan lalnu leh chung turnipui,

An herchhuak thin a hunteah;

Hun bi ruattu khuanulengin,

A rel fel ang a, kan thatna turin,

Ka tan kawl a eng ve ngei ang a,

Engma'n min dal lo vang,

Kan duhsaisam damlai pialralah khian,

Tudang ngai lo vin kan la cheng dun ngei ang a,

Tan in kawngka paw'n min dang lo'ng,

Tan in kawngka paw'n min dang lo'ng.

Hringnun chhiarkawp a buai thin,

Rahbi a lo pelh hian;

Nghilhni a herchhuak ngei ang,

Kan chunga thil lo thleng zawngte kha.

Kan duhsaisam damlai pialralah khian,

Tudang ngai lo vin kan la cheng dun ngei ang a,

Tan in kawngka paw'n min dang lo'ng,

Tan in kawngka paw'n min dang lo'ng.