Vanin nuam

Satu: Samson Vanchhawng

Dan rual loh vin inthen a tul,

Chhungkaw hlim taka awm thin kha;

Tawnni herchhuak leh thei i maw,

A bang dawn si lo zuapa ngaih lai.

Eizawnna vangin chunnuin,

Tlang dang mual dang min liamsan thin;

Mittui fara in chhuahsanin,

"In tan" tiin min thlahliam thin e.

Sam ang kan inthen darh ta maw?

Tuar thiam a har, tuar thiam a har;

Hlimna aiin lungngaihna mai maw kan chantawk,

Vanin nuamah chhungkimtein,

Hlimin zaiin kan leng tawh ang.

Inchhung khur nundan a dang ta,

Khawvela hlim chhungkua thin kha;

Sualna zawng zawngte tuar zelin,

Tah chang a tam khawvelah hian.